ھرشل گرینزپین کی تصویر جرمن سفارتکار ارنسٹ ووم ریتھ کے قتل کے سلسلے میں فرانسیسی حکام کی طرف سے گرفتار ہونے کے بعد بنائی گئی۔ گرینزپین (1921 ۔ 1943 ؟) ھینوور، جرمنی میں پیدا ہوا۔ اُس کے والدین پولش یہودی تھے جو نقل مکانی کر کے جرمنی میں آباد ہو چکے تھے۔ 1936 میں گرینزپین فرار ہو کر پیرس چلا گیا۔ 7 نومبر، 1938 کو جب گرینزپین نے سنا کہ اُس کے والدین کو جرمنی سے پولینڈ کی سرحد کی جانب جلا وطن کر دیا گیا ہے تو گرینزپین نے پیرس میں جرمن سفارت خانے کے تھرڈ سیکٹری ارنسٹ ووم ریتھ کو قتل کر دیا۔ اس سفارتکار کی دو روز بعد موت واقع ہونے کو نازی حکومت نے بہانہ بنا کر 9 ۔ 10 نومبر کو کرسٹل ناخٹ پوگرام شروع کر دیا۔ وکی حکومت نے گرینزپین کو جرمنوں کے حوالے کر دیا۔ تاہم اُس کی موت کی تاریخ اور مقام کی وضاحت کبھی نہیں کی گئی۔ پیرس، فرانس، 7 نومبر، 1938 ۔
— USHMM, courtesy of Morris Rosen
