ذاتی تاریخ

یہودی بستی میں بھوک اتنی زیادہ اور اتنی خراب تھی کہ لوگ سڑکوں پر پڑے پڑے مر رہے تھے۔ چھوٹے بچے بھیک مانگنے جاتے اور آپ کسی دن بھی صبح باہر نکلتے تو کسی نہ کسی شخص کو مرا ہوا دیکھتے۔ لاش اخبار سے ڈھکی ہوتی یا پھر اُس پر کسی قسم کا کمبل رکھ دیا جاتا۔ آپ ان لوگوں کو بھی پاتے جو مردہ لاشوں کو چھوٹی ویگنوں میں اٹھا کر لے جایا کرتے تھے۔ یہ لوگ ان مردہ لاشوں کو قبرستان میں لیجاتے اور ان کو اجتماعی قبروں میں دفنا دیتے۔ ہر روز ہزاروں لوگ صرف ناقص غذا کی وجہ سے مرجاتے تھے کیوں کہ جرمن فوجی یہودی بستیوں میں لوگوں کو کچھ بھی کھانے کو نہیں دیتے تھے۔ وہاں ایسی کوئي چیز نہیں تھی۔ ایسا نہیں تھا کہ آپ جائیں اور کچھ بھی خرید لیں یا کوئی راشن حاصل کر سکیں۔ یہ آپ کی بدقسمتی تھی۔ اگر آپ کے پاس کھانے کو کچھ نہیں ہے تو آپ مر جاتے ہیں۔ یہ ایسی ہی صورتِ حال تھی۔