مصنوعات

کراکو یہودی بستی سے یہ گڑیا

ضوفیا بوروسکا (کرووچ) نے یہ گڑیا امریکی ہالوکاسٹ میموریل میوزیم کو عطیہ کی تھی۔ یہ گڑیا 1930 کی دہائی سے ہے۔ ضوفیا کے والدین نے جنگ سے پہلے اس کو یہ گڑیا دی تھی اور ضوفیا نے اسے پولینڈ کی وولبرم اور کراکو یہودی بستیوں میں اپنے ساتھ رکھا تھا۔ یہ گڑیا اور اس کے خاندان سے متعلق کچھ دوسری چیزیں اس کے غیر یہودی دوستوں کے پاس حفاظت کی غرض سے رکھ دی گئی تھیں۔ ضوفیا کو کراکو کے نزدیک یہودیوں کے جبری مشقت کے کیمپ میں بھیج دیا گیا۔ اس کے بعد اسے اسکارزسکو- کامئینہ کیمپ (یہ بھی پولینڈ میں تھا) اور بالآخر جرمنی کے بوخن والڈ کیمپ میں بھیج دیا گیا جہاں سے اسے آزاد کرا لیا گیا۔ جنگ کے بعد وہ واپس کراکو پہنچی اور وہاں سے اپنی گڑیا کو بازیاب کرایا۔